AQUALABEL 蜂皇活膚精華

嚴寒天氣下，屬於乾性膚質嘅我肌膚容易乾燥缺乏光澤/彈性/出現乾紋同變得粗糙，即使平日護膚有加強保濕，都未可以將問題帶走......齋保濕唔夠

吸引嘅功效一早已被我留意住，繼而皮膚又嚟轉差，最後被引誘入手(女人要買嘢真係好多理由)
 AQUALABEL  蜂皇活膚精華 ($199  30ml)

蘊含豐富發酵蜂皇漿GL， 透過獨家發酵技術，極速滲入肌底，活化每個細胞，更新肌膚，提升緊緻。 配合尊貴高麗人參精華GL、雙重透明質酸， 源源灌注高效修護滋潤成分，綻放青春魅力。 觸感豐盈柔滑，更散發清新玫瑰花香。

精華蜜糖色，見到都覺得甜，帶有香味個人覺得味道好香，買個時送多7ml為方便用就轉另一個樽

質地較稀容易推開，按摩1-2分鐘，吸收完唔笠，增添光澤而且皮膚滑咗


為咗見証實效，我先停用用開嘅保濕及美白精華，並改用一般保濕面霜。
程序:細膚水-->蜂皇活膚精華-->面霜
使用約一星期，未用前皮膚有少許粗糙，大概因為我皮膚真係差
皮膚有飽滿感毛孔細咗，膚質變得柔軟有彈性，因為面部皮膚較薄，面上經常出現泛紅，使用精華後泛紅情況有改善，面部多咗光澤，紋理變得無咁明顯，感覺養份都滲透到底層，整體滿意(請忽略醜怪斑斑)

**嘴邊深嘅紋仲係度，使用後有減淡少少，但仍然存在，只係相機影得唔好，補多一張

近睇毛孔+飽滿度

使用後面部泛紅減輕

精華滋潤度高，揸上面後感到舒服，乾燥天氣下KEEP到全日保濕，我最欣賞係用後肌膚緊緻同有彈性，漲卜卜咗好多得到光澤，輕輕拍落塊面度皮膚彈吓彈吓，收毛孔十分顯注(我每次只有敷完Mask先有嘅效果)，"觸感豐盈柔滑"呢種咁飽滿嘅感覺真係好似食咗好多蜜糖咁潤。

p.s.產品含酒精，購買前請先試用tester。